ᒥᑦᓵᓄᑦ
ᑭᓇᒃᑰᓂᑉᐳᑦ ᐅᕙᒍᑦ
ᐃᓯᔅᓯᒪᕕᐅᔪᖅ, ᐅᖅᑰᔪᖅ, ᐊᒻᒪᓗ ᐅᑭᐅᑦᑕᑦᑐᒻᒥᐅᑕᐅᓂᖅ.
ᐅᖂᑕᖅ ᑲᑐᔾᔨᖃᑎᒌᑦ ᐱᔭᐅᑎᑦᑎᒻᒪᑕ ᐊᑕᓇᑦᑐᖃᖏᑦᑐᒥᒃ, ᖃᓄᐃᓗᒍᑎᖃᖏᑦᑐᒥᒃ, ᐊᒻᒪᓗ ᐅᐱᒍᓱᓂᒻᒥᒃ ᐃᒡᓗᖃᑦᑎᑦᑎᒍᑎᓄᑦ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᒍᑎᓂᒃ ᐊᒻᒪᓗ ᐃᑲᔪᔅᓱᐃᓪᓗᓂ ᐃᓄᓂᒃ ᐊᖏᕐᕋᖃᕈᓐᓃᑦᑐᓂᒃ ᐃᖃᓗᓂ, ᓄᓇᕗᒻᒥ.
ᐅᖂᑕᖅ ᑐᑭᖃᒻᒪᑦ “ᐊᓄᕆᒥᑦ ᐅᖁᑦᑎᓂᒻᒥᒃ, ᐃᓯᔅᓯᒪᕕᒻᒥᒃ, ᑕᖃᐃᔅᓯᕕᒻᒥᒃ ᐊᒻᒪᓗ ᐅᖅᑰᓇᑦᑐᒥᒃ” ᐃᓄᒃᑎᑐᑦ.
ᐅᖂᑕᐅᑉ ᐱᑕᖃᕈᑎᒋᔭᖏᑦ
ᐊᖏᕐᕋᖃᖏᓐᓂᖅ ᐃᖃᓗᓂ, ᐊᒻᒪᓗ ᓄᓇᕗᓕᒫᒥ, ᐃᓗᑦᑎᑦᑕᐅᓯᒪᒻᒪᑦ ᓇᔪᑦᑕᐅᔪᓄᑦ, ᑕᐃᔅᓱᒪᓂᓕᓴᒻᒧᑦ, ᐊᒻᒪᓗ ᐱᓕᕆᔾᔪᑎᓄᑦ.
ᐱᓕᕆᒋᐊᓂᕗᑦ
ᑲᑎᓯᓂᖅ ᐃᓄᓂᒃ ᓇᔪᑦᑕᖏᓐᓂ, ᐊᒻᒪᓗ ᐃᑲᔪᔅᓱᐃᓗᓂ ᐊᑐᓂᐋᓕᑦᑐᓂᒃ.
ᐃᓯᔅᓯᒪᕖᑦ
ᐋᖅᑭᒍᑎᕙᓪᓕᐊᓂᖅ ᐃᒡᓗᓕᕆᓂᖅ
ᐊᑯᓂ−ᐊᑐᓂᐊᓕᓪᓗᓂ ᐃᒡᓗᖃᑦᑎᑦᑎᒍᑎ ᐱᕕᔅᓴᐅᓂᖏᑦ
ᐃᓅᓯᕆᔭᐅᓪᓚᕆᑦᑐᑦ. ᐊᓯᕈᓪᓚᕆᓃᑦ.
ᓄᐋᑉ ᐃᖏᕐᖃᓂᕆᓚᐅᑕᖓ
ᓄᐊ, 27, ᐱᕈᓚᐅᕐᒪᑦ ᐃᖃᓗᓂ ᐊᒻᒪᓗ ᐊᑐᓚᐅᑦᑐᓂ ᐃᓄᓯᒻᒥᓂ ᑎᒍᐋᙳᐋᕆᔭᐅᕙᑦᑐᓂ. ᑭᖑᓂᖓᒍᑦ ᐅᑭᐅᖃᓕᓚᐅᑦᑎᓪᓗᒍ 19−ᓂᒃ, ᐃᒻᒥᓂᔅᓴᓕᓚᐅᒻᒪᑦ, ᐊᒻᒪᓗ ᐊᕐᕌᒍᒐᓴᓐᓄᑦ ᐊᔅᓱᕈᕈᑎᖃᓚᐅᑦᑐᓂ ᑕᐃᒫᑦᑕᐅᓇᓕᖏᑦᑐᒥᒃ ᐃᒡᓗᖃᑦᑎᑦᑎᒍᑎᓂᒃ, ᐃᓛᓐᓂᒃᑯᑦ ᓯᓂᑉᐸᓪᓗᓂ ᐊᐳᑦᑕᕈᑎᖃᓗᐊᖏᑦᑐᓂ ᐃᓯᔅᓯᒪᕕᓐᓂ, ᐱᓱᑉᐸᓪᓗᓂ ᐃᒃᑮᓇᑦᑐᐋᓗᒃᑯᑦ ᐅᑭᐅᑦᑕᑦᑐᒻᒥ ᐅᓐᓄᐊᖏᓐᓂ, ᐊᒻᒪᓗ ᖃᐅᔨᒪᕙᓐᓇᓂ ᓇᑭᑦ ᓂᕆᓂᐋᓕᕋᓗᐋᒻᒥᒪᖔᒻᒥ.
ᐅᖂᑕᒻᒧᑦ ᐃᓯᓚᐅᑦᑎᓐᓇᒍ, ᐱᓱᖃᑦᑕᓚᐅᕋᒪ ᐅᓐᓄᐋᓕᒫᖅ ᐱᔾᔪᑎᒋᓪᓗᒍ ᐃᒡᓕᖃᖏᓐᓂᖓᓄᑦ. ᖃᐅᔨᒪᖃᑦᑕᓚᐅᖏᓐᓇᒪᑦ ᓇᒦᓂᐊᓕᕋᓗᐋᒥᒻᒪᖔᒻᒪ, ᐊᒻᒪᓗ ᐃᓛᓐᓂᒃᑯᑦ ᓂᕆᔭᒃᓴᑕᖃᓲᖑᓇᓂ ᑭᓱᑐᐃᓐᓇᒻᒥᒃ.
ᐱᐅᔪᐋᓗᓚᐅᑦᑐᖅ ᐃᐱᓇᓂᖓ ᓇᔪᒐᖃᓕᓂᐅᑉ. ᑭᒃᑯᓕᒫᑦ ᐱᑦᑎᐊᑦᑐᐋᓗᓪᓗᑎᒃ, ᐊᒻᒪᓗ ᐱᖃᓕᑕᐃᓐᓇᓚᐅᕋᒪ ᐃᑉᐱᓇᑦᑐᒥᒃ ᐊᖏᕐᕋᐅᖅᑰᔨᔪᒥᒃ.
ᓄᐊ ᖃᐅᔨᓕᓚᐅᒻᒪᑦ ᖁᕕᐊᒋᔭᖃᓂᒻᒥᓂᒃ ᓂᕿᓕᐅᓂᒻᒥᒃ ᐅᖂᑕᒻᒦᑎᓪᓗᒍ. ᑭᖑᓂᖓᒍᑦ 8−ᐱᓇᓱᐋᕈᓰᑦ ᐃᖅᑲᓇᐃᔭᓕᑉᐸᓪᓕᐋᓇᓱᐊᑦᑎᓪᓗᒍ ᐃᓂᖃᓕᑦᑎᓪᓗᒍ ᐃᓯᔅᓯᒪᕕᐅᑉ ᑰᖃᕕᖓᓂ, ᐃᖅᑲᓇᐃᔭᑦᑎᐅᑉ ᐱᓯᒪᐃᓇᓕᓚᐅᒻᒪᒐ ᐱᓕᕆᑦᑎᐊᕈᓐᓇᓂᖓᓄᑦ ᐊᒻᒪᓗ ᐱᓕᕆᑦᑎᐊᓂᖓᓄᑦ. ᐅᓪᓗᒥ, ᓂᕿᓕᐅᕈᔾᔨᖃᑦᑕᓕᑦᑐᖅ ᐃᓚᒋᖃᑦᑕᑦᑕᒥᓂᒃ ᓇᔪᒐᖃᖃᑎᒋᔭᒥᓂᒃ, ᐱᒋᐊᓗᓂ ᓰᐱᓕᕆᔨᐅᑉ ᐃᑭᐊᓯᓂᖓᒥᒃ ᑎᑭᓪᓗᒋᑦ ᑎᒥᐊᒥᓂᖅ ᓯᖁᑦᑎᔅᓯᒪᔪ ᓵᑦᑑᔭᔅᓯᒪᓗᑎᒃ, ᐊᒻᒪᓗ ᑐᓴᕈᒪᑦᑎᐊᓲᖑᓪᓗᓂ ᑭᐅᔾᔪᑎᒋᔭᐅᔪᓂᒃ:
ᐃᓄᓕᒪᑦ ᐅᖃᐃᓇᓱᖑᒻᒪᑕ, “ᓇᑯᒻᒦᒃ, ᒪᒪᑦᑐᐋᓗᕋᑖᑐᖅ.” ᐅᕙᓐᓂᒃ ᖁᕕᐋᓱᓕᑦᑎᑦᑎᑎᐋᓱᖅ ᐃᑲᔪᕆᐊᔅᓴᖅ. (ᐅᖃᐅᓯᕆᓚᐅᑕᖏᑦ ᓄᐋᒥᖔᑦᑐᑦ)
ᓂᕿᓕᐅᓂᖅ ᓄᐋᒥᒃ ᐱᔾᔪᑎᔅᓴᖃᓕᑦᑎᑦᑎᒻᒪᑕ, ᐅᐱᒍᓱᓂᖃᓕᓪᓗᓂ, ᐊᒻᒪᓗ ᐃᑉᐱᒍᓱᓕᓪᓗᓂ ᐃᓚᒋᐅᓂᒻᒥᒃ, ᐊᒻᒪᓗ ᖁᕕᐊᒋᔭᖃᑦᑎᐊᓕᓪᓗᓂ ᓯᕗᓂᔅᓴᖃᓂᒻᒥᓂᒃ. ᓂᕆᐅᓕᑦᑐᖅ ᐃᖅᑲᓇᔭᓂᐊᕆᐊᔅᓴᖅ ᐅᓪᓗᓕᒫᒥ ᑕᐃᑲᓂ ᓄᑕᒥ ᐃᓯᔅᓯᒪᕕᐅᑉ ᑰᖃᕝᕕᖓᓂ ᒪᑐᐃᔅᓯᒪᓕᑐᐊᑉᐸᑦ, ᐊᖁᑦᑐᔅᓯᐅᑎᑖᓪᓗᓂ, ᐊᒻᒪᓗ ᓇᒻᒥᓂᒻᒥᓂᒃ ᐊᖏᕐᕋᑖᓪᓗᓂ.
ᓄᐋᑉ ᓇᒧᖓᑉᐸᓪᓕᐋᓂᖓ ᑕᑯᓴᐅᑎᑦᑎᒻᒪᑦ ᖃᓄᖅ ᐊᓯᔾᔨᑦᑕᖏᓂᖓ ᐃᒡᓗᖃᑦᑎᑦᑎᒍᑎᐅᑉ ᐊᑕᐅᑦᑎᒃᑰᖃᑎᖃᓗᓂ ᑐᑭᖃᑦᑎᐊᑦᑐᒥᒃ ᐃᖅᑲᓇᐃᔭᓂᒻᒥᒃ ᐊᒻᒪᓗ ᐃᑲᔪᔅᓱᐃᔪᒥᒃ ᐱᓕᕆᔾᔪᑎᓕᐊᕆᓯᒪᔪᖅ ᐊᓯᕈᐃᒍᓐᓇᒪᑕ ᐃᓅᓯᓐᓂᒃ. ᐊᑐᔅᓯᒪᓕᒻᒪᑦ ᐊᓂᒍᐃᕙᓪᓗᓂ ᐅᑭᐅᑦᑕᑦᑑᑉ ᐅᓄᐋᖏᓐᓂᒃ ᑎᑭᓪᓗᒋᑦ ᐱᓕᕆᑦᑎᐊᕈᓐᓇᓂᔅᓴᐅᓕᕋᓱᐋᓪᓗᓂᒃ, ᖁᓚᖏᑦᑎᐋᓕᓂᒻᒥᒃ, ᐊᒻᒪᓗ ᐃᒻᒥᓂᔅᓱᓕᓐᓂᒻᒥᒃ, ᓴᙱᔪᐋᓗᓪᓗᓂ ᐃᖅᑲᐃᑎᑦᑎᒍᑎᖓ ᐊᑦᑐᐃᓂᖓᑕ ᐃᑲᔪᕈᑎᖃᓂᑦ ᑐᓂᓯᓂᕆᒍᓐᓇᑦᑕᕕᑦ.
ᐱᓕᕆᐊᕆᔪᒪᔭᕗᑦ
ᓱᓚᐅᒻᒪᑖ ᐊᐅᓚᑦᑎᕙᑦᑑᑦ ᐃᖅᑲᓇᐃᔭᓂᕆᔭᑦᑎᓐᓃᒃ ᖃᐅᑕᒫᑦ.
ᐱᔭᐅᑎᑦᑎᓲᖑᒐᑦᑕ ᐊᑦᑕᓇᑦᑐᖃᖏᑦᑐᓂᒃ, ᖃᓄᐃᓗᒍᑎᖃᖏᑦᑐᓂᒃ, ᐊᒻᒪᓗ ᐅᐱᓇᑦᑎᐊᑦᑐᓂᒃ ᐃᒡᓗᖃᑦᑎᑦᑎᒍᑎᓄᑦ ᐊᑲᐅᙱᓕᐅᕈᑎᖃᕈᓃᑦᑎᑦᑎᒍᑎᓂᒃ ᐊᒻᒪᓗ ᐃᑲᔪᕈᑎᓂᒃ ᐃᓄᓐᓂᒃ ᐊᖏᕐᕋᖃᕈᓐᓃᑦᑐᓂᒃ ᐃᖃᓗᓂ, ᓄᓇᕗᒻᒥ.
ᑎᑭᒐᓱᐋᑦᑕᕗᑦ
ᐋᖅᑭᓱᐃᓂᖅ ᓴᙱᓂᔅᓴᒥᒃ ᐃᒡᓗᖃᑦᑎᑦᑎᒍᑎᑦ ᐱᓕᕆᔾᔪᑎᖏᓐᓂᒃ ᐃᖃᓗᒥᐅᓄᑦ.
ᐅᖂᑕᐅᑉ ᐃᖅᑲᓇᐃᔮᕆᔭᖓ ᐊᐅᓚᑕᐅᒻᒪᑕ ᑐᑭᓯᓇᑦᑎᐊᑦᑐᒧᑦ, ᓄᓇᓕᒃ−ᖃᐅᔨᒪᓗᓂ ᑎᑭᑕᐅᒐᓱᐊᑦᑐᒥᒃ:
ᐋᖅᑭᔅᓱᐃᓗᓂ ᐊᖅᑯᑎᒋᔭᐅᓂᐋᑦᑐᓂᒃ ᐊᖏᕐᕋᖃᖏᓐᓂᒻᒥᒃ ᑎᑭᓪᓗᒍ ᐊᖏᕋᖃᓕᓪᓗᓂ
ᐊᑐᖃᑦᑕᔅᓯᒪᔭᕗᑦ
ᐱᕈᖃᑎᖃᓐᓂᖅ ᓄᓇᓕᒻᒥᒃ, ᐱᓕᕆᐋᕆᒋᐊᑉᐸᓪᓗᒋᑦ ᐱᒋᐊᖃᑦᑕᖏᑦ.
2009
2016
2020
ᐅᖂᑕᖅ ᒪᑐᐃᔅᓯᓚᐅᒻᒪᑦ ᓄᓇᕗᑉ ᓯᕗᓕᑉᐹᒥ ᐊᐳᑦᑕᕈᑎᖃᓗᐊᖏᑦᑐᒥᒃ ᐅᓐᓄᐊᖏᓐᓈᕐᕕᒻᒥᒃ ᑐᐊᕕᓐᓇᔅᓯᔪᖃᑦᑎᓪᓗᒍ ᐃᓯᔅᓯᒪᕕᒻᒥᒃ ᐱᓕᕆᖁᔨᑎᓪᓗᒋᑦ ᓄᓇᕗᑦ ᒐᕙᒪᒃᑯᑦ.
2020
2023
2025
2026
ᐱᓕᕆᖃᑎᒌᑦᑐᖁᑎᕗᑦ
ᐱᐅᓂᔅᓴᐅᓕᑦᑎᑦᑎᓂᖅ ᐱᒐᔅᓴᐅᓂᖏᓐᓂᒃ, ᐱᐅᓂᔅᓴᓕᑦᑎᑦᑎᓂᖅ ᐃᓅᓯᕆᔭᐅᔪᓂᒃ.
ᐃᖅᑲᓇᐃᔮᕆᔭᕗᑦ ᓯᕗᓕᑦᑕᐅᒻᒪᑦ ᐃᖅᑲᓇᐃᔭᕈᒪᑦᑎᐊᑦᑐᓄᑦ ᐱᓕᕆᖃᑎᒌᑦᑐᓄᑦ ᐃᖅᑲᓇᐃᔭᖃᑦᑕᔅᓯᒪᑦᑎᐊᑦᑐᑎᒃ ᐃᒡᓗᖃᑦᑎᑦᑎᒍᑎᓂ, ᐃᓅᓕᕆᓂᒻᒥ ᐱᔨᔅᓯᕈᑎᓂᒃ, ᐊᒻᒪᓗ ᓄᓇᓕᒻᒨᖓᔪᓂᒃ ᐃᑲᔪᕈᑎᓂᒃ ᐅᑭᐅᑦᑕᑦᑐᒻᒥ. ᑲᑐᔾᔨᓗᑎᒃ, ᓄᓇᓕᒻᒥ ᖃᐅᔨᒪᓂᖃᓕᑦᑎᑦᑎᒻᒪᑕ, ᐃᖅᑲᓇᐃᔭᑦᑎᓚᕆᐅᓂᒻᒥ ᐃᖅᑲᓇᐃᔭᖃᑦᑕᔅᓯᒪᔪᓂᒃ, ᐊᒻᒪᓗ ᐃᖅᑲᓇᐃᔭᕈᒪᑦᑎᐋᖃᑎᒌᑦᑐᑎᒃ ᐊᑦᑕᓇᑐᖃᑦᑎᑦᑎᖏᓪᓗᑎᒃ, ᖃᓄᐃᓗᕈᑎᖃᖏᓪᓗᑎᒃ ᐊᒻᒪᓗ ᐊᑯᓂ−ᐊᑐᓂᐊᓗᑎᒃ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᒍᑎᑦ ᐃᓄᖏᓄᑦ ᐃᖃᓗᐃᑦ.

ᓗᐊᕆᓪ ᒪᒃᑯᕐᕆᔅᑕᓐ
ᐊᐅᓚᑦᑎᓂᕐᒧᑦ ᑲᑎᒪᔨᑦ
ᐅᖂᑕᖅ ᑲᑐᔾᔨᖃᑎᒌᑦ ᐊᐅᓚᑕᐅᒻᒪᑦ ᓂᕈᖄᑦᑕᐅᓯᒪᔪᓄᑦ ᑲᑎᒪᔨ ᑐᑭᒧᐊᑦᑎᑦᑎᔨᓂᒃ ᐱᖓᓲᔪᑦᑑᓪᓗᑎᒃ ᐃᓚᒋᔭᐅᔪᑦ.

ᑯᐅᐃᒥ ᓂᕙ
ᐃᓚᒋᔭᐅᓕᓚᐅᖅᓯᒪᒐᒪ ᐅᖂᑕᖅ ᑲᑐᔾᔨᖃᑎᒌᖏᑕ ᑲᑎᒪᔨᖏᓐᓄᑦ ᐱᔾᔪᑎᒋᓪᓗᒍ ᐱᓕᕆᐊᕆᒐᓱᐊᖅᑕᖏᑦ ᐊᑑᑎᖃᑦᑎᐊᖅᑐᕆᒐᒃᑭᑦ ᐃᑎᔪᒥᒃ. ᐃᒡᓗᖃᑦᑎᑦᑎᒍᑎ ᓇᓗᓈᕿᓂᖏᑦ ᐊᒻᒪᓗ ᒥᑭᓪᓕᒋᐋᑦᑎᑦᑎᓂᑦ ᐃᓱᒪᒋᔭᐅᑐᐃᓐᓇᔅᓯᒪᓗᑎᒃ ᐊᑲᐅᙱᓕᐅᕈᑎᐅᖏᒻᒪᑕ; ᐊᑦᑐᐃᒻᒪᑕ ᐃᓄᓚᕆᓐᓂᒃ, ᐃᓚᒌᑦᑐᓂᒃ, ᐊᒻᒪᓗ ᓄᓇᓕᓐᓂᒃ. ᐃᓚᒋᔭᐅᒍᒪᒐᒪ ᐃᖅᑲᓇᐃᔭᕕᒻᒧᑦ ᐊᑐᓲᒥᒃ ᐃᓄᐃᑦ ᐅᐱᒍᓱᑦᑎᐊᓂᖏᓐᓂᒃ ᐊᒻᒪᓗ ᐊᑐᓚᕆᑦᑐᓂᒃ ᐃᑲᔪᓂᐅᔪᓂᒃ, ᐊᒻᒪᓗ ᐃᑉᐱᒍᓱᓚᐅᕋᒪ ᐃᖅᑲᓇᐃᔭᖃᑦᑕᔅᓯᒪᓂᕋ ᓯᕗᓕᑦᑎᐅᓂᒻᒥᒃ, ᐊᐅᓚᑦᑎᓂᒻᒥ, ᐊᒻᒪᓗ ᒐᕙᒪᒃᑯᑦ ᐱᔨᔅᓯᕈᑎᖏᑦ ᐃᑲᔪᕈᓐᓇᓂᖏᓐᓂᒃ ᓴᙱᓂᔅᓴᐅᓕᑦᑎᑦᑎᓗᑎᒃ ᐊᑑᑎᖃᑦᑎᐊᑦᑐᒃᑯᑦ.

ᕕᐊᕗᓕ ᒪᐃᕐᔅ

ᑳᑕᓖᓐ ᒍᐊᒻᔅ
ᑮᓇᐅᔭᓕᕆᔨ

ᐊᐃᓵᒃ ᒥᓐᓴᐅ

ᐃᐅᕋᓐ ᐅᐃᓪ

ᑯᕆᔅᑏᓐ ᕼᕗᕐᑦ
ᑐᑭᒧᐊᖅᑎᑦᓯᔨ
Looking Ahead
Building long-term solutions in the North.
Uquutaq is expanding services and infrastructure to build a more responsive housing system in Iqaluit.
Working Together
Community, partnership, and shared responsibility.
Uquutaq’s work is made possible through collaboration — with Inuit organizations, governments, service providers, staff, volunteers, and supporters who believe in the importance of stable housing as a foundation for wellbeing. Supporting Uquutaq is a way to move reconciliation forward, and invest in community-led solutions that reflect the unique geography, history, and strengths of Nunavut.