ᐱᓕᕆᖃᑕᐅᓚᐅᕆᑦ
ᑲᑐᔾᔨᓗᑕ, ᐃᓱᓕᑎᑦᑎᒐᔭᕋᑦᑕ ᐊᖏᕐᕋᖃᖏᓐᓂᒻᒥᒃ.
ᐃᓚᒋᔭᐅᓗᑎᒃ ᓴᕿᑎᑦᑎᓗᑕ ᐊᑦᑕᓇᖏᑦᑐᒥᒃ, ᐅᐱᒋᑎᐊᓂᒻᒥᒃ, ᐊᒻᒪᓗ ᐃᓚᒋᔭᐅᓂᒻᒥᒃ ᓄᓇᕗᒻᒥ.
ᐃᓱᓕᑎᑦᑎᓂᖅ ᐊᖏᕐᕋᖃᖏᓐᓂᒻᒥᒃ ᓄᓇᕗᒻᒥ ᐃᓚᒋᔭᐅᑐᐃᓐᓇᖏᒻᒪᑦ ᐊᑕᐅᓯᒻᒧᑦ ᐃᖅᑲᓇᐃᔭᕕᒻᒧᑦ, ᐅᕝᕙᓘᓐᓃᑦ ᐊᑕᐅᓯᒻᒧᑦ ᓄᓇᓕᒻᒧᑦ, ᐱᓕᕆᐋᕆᔭᐅᒍᓐᓇᖏᒻᒪᑦ ᐃᓄᑑᑎᔭᐅᓗᓂ. ᐃᒪᓐᓇᐅᒋᐋᖃᒻᒪᑦ ᐊᓯᕈᑦᑕᖏᑦᑐᒥᒃ ᐱᓕᕆᒍᒪᓂᖃᕆᐊᖃᓂᒻᒥᒃ, ᐃᑉᐱᒍᓱᑦᑎᐊᓪᓗᓂ ᐱᓕᕆᖃᑎᒌᓂᐅᔪᓂ, ᐊᒻᒪᓗ ᐃᓄᐃᑦ ᑕᐃᒃᑯᐊ ᐅᑉᐱᕈᓱᑦᑐᑦ ᑭᒃᑯᓕᒫᑦ ᐱᒋᐊᖃᓂᖏᓐᓂᒃ ᐊᑦᑕᓇᖏᑦᑐᒥᒃ ᐃᓂᖃᕆᐊᖃᓂᖏᓐᓂᒃ ᓄᓇᒥ. ᐱᑕᖃᒻᒪᑦ ᑐᑭᖃᑦᑎᐊᑦᑐᓂᒃ ᐊᑐᕋᓴᐅᔪᓂᒃ ᐱᓕᕆᖃᑎᒋᓗᒋᑦ ᐅᖂᑕᖅ ᑲᑐᔾᔨᖃᑎᒌᑦ ᐊᒻᒪᓗ ᐃᓄᐃᑦ ᑕᐃᒃᑯᐊ ᐱᔨᔅᓯᑉᐸᑕᕗᑦ, ᑐᓂᓯᓂᒃᑰᒐᓗᐊᑉᐸᓪᓘᓂᑦ, ᐃᖅᑲᓇᐃᔭᖃᑎᒋᔭᐅᓗᑕ, ᐃᑲᔪᖃᑕᐅᓗᓂ ᐱᓕᕆᑦᑎᐊᕈᓐᓇᓂᔅᓯᓂᒃ, ᐅᕝᕙᓘᓐᓃᑦ ᐱᓕᕆᖃᑎᖃᓂᐋᓕᓪᓗᓯ ᐊᑯᓂ−ᐊᑐᓂᐊᓕᑦᑐᓂ ᐊᑦᑐᐃᓂᐅᔪᓂ.
ᑐᓂᕐᕈᓯᕈᑎᖃᓚᐅᕆᑦ
ᐃᑲᔪᓪᓗᒋᑦ ᒫᓐᓇᑦᑕᐅᑎᒋ ᐸᖅᑭᔅᓯᓂᖅ, ᐊᒻᒪᓗ ᐊᑐᑯᑖᓂᐊᑦᑐᑦ ᐃᒡᓗᖃᑦᑎᑦᑎᓂᒻᒧᑦ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᒍᑎᑦ.
ᐃᑲᔪᕈᑎᒋᔭᐃᑦ ᐃᑲᔪᓲᖑᒪᒻ ᐃᓚᓐᓇᐅᓚᕆᖁᓪᓗᒋᑦ ᑕᐃᒃᑯᐊ ᐃᓄᐃᑦ ᐊᑐᓕᑦᑐᑦ ᐊᖏᕐᕋᖃᖏᓐᓂᒻᒥᒃ ᐃᖃᓗᓂ ᐱᒍᓐᓇᖁᓪᓗᒋᑦ ᐊᑦᑕᓇᑐᑦᑕᖃᖏᑦᑐᓂᒃ, ᐊᓯᕈᓂᐅᓴᖏᓪᓗᑎᒃ, ᐊᒻᒪᓗ ᐊᖅᑯᑎᔅᓴᖃᖁᓪᓗᒋᑦ ᓯᕗᒧᐸᓪᓕᐊᓂᒻᒥᒃ.ᑐᓂᕐᕈᑏᑦ ᐅᖂᑕᖅ ᑲᑐᔾᔨᖃᑎᒌᒃᑯᓄᑦ ᐃᑲᔪᓱᖑᒪᑕ:
- ᐊᔅᓱᐋᓗᒃ ᐊᒻᒪᓗ ᐊᔅᓱᐋᓗᖏᑦᑐᖅ−ᐊᐳᑦᑕᕈᑎᓕᓐᓄᑦ ᐃᓯᔅᓯᒪᒪᕕᑦ ᐱᔨᔅᓯᕈᑎᖏᓄᑦ
- ᐋᖅᑭᒍᑎᕙᓪᓕᐋᔪᓄᑦ, ᐊᑭᑐᓗᐊᖏᑦᑐᓄᑦ, ᐊᒻᒪᓗ ᐃᑲᔪᓂᖃᓲᓄᑦ ᐃᒡᓗᖃᑦᑎᑦᑎᒍᑎᓄᑦ
- ᐃᑲᔪᑦᑕᐅᑎᑉᐸᑦᑐᓄᑦ ᐃᑲᔪᕈᑎᑦ, ᑲᒪᒋᔭᐅᖔᓕᑦᑎᑦᑎᒍᑎᑦ, ᐊᒻᒪᓗ ᓄᓇᓕᒻᒧᑦ ᑲᓲᑎᓯᒪᓂᐅᔪᑦ
- ᐊᑯᓂ−ᐊᑐᓂᐊᓕᓪᓗᓂ ᑕᐃᒫᑦᑕᐃᓇᓕᓂᖅ ᐊᖏᕐᕋᖃᖏᑦᑐᓄᑦ ᐱᔨᔅᓯᕈᑏᑦ ᓄᓇᕗᒻᒥ
ᐱᑕᖃᒻᒪᑦ ᐊᓄᑦᑐᓂᒃ ᑐᑭᖃᑦᑎᐊᒃᑐᒃᑯᑦ ᐊᑐᕋᔅᓴᐅᔪᓂᒃ ᐃᑲᔪᕈᑎᒋᓂᐊᓪᓗᒋᑦ ᐅᖂᑕᒃᑯᑦ ᐃᖅᑲᓇᐃᔮᐱᔭᖓᓂ
ᐊᓯᖏᑎᒍ ᑐᓂᓯᕕᔅᓴᐅᒥᔪᑦ.
ᐃᖅᑲᓇᐃᔭᖃᑎᖃᓪᓗᓯ ᐅᕙᑦᑎᓐᓂᒃ
ᐋᖅᑭᓱᐃᓗᑎᑦ ᐃᖅᑲᓇᐃᔮᕆᔭᓐᓂᒃ ᐊᑐᓪᓗᑎᓪᓗ ᐊᑐᓪᓚᕆᑦᑐᒥᒃ ᐋᖅᑭᒍᑎᑎᑦᑎᓗᑎᑦ.
ᐅᖂᑕᖅ ᑲᑐᔾᔨᖃᑎᒌᑦ ᕿᓂᖃᑦᑕᒐᔪᓲᖑᒪᑦ ᐃᓱᒪᑐᔪᓂᒃ, ᐱᓕᕆᒐᓱᐋᑦᑎᐊᑦᑐᓂᒃ, ᐊᒻᒪᓗ ᐃᑉᐱᒍᓱᑦᑎᐊᑦᑐᓂᒃ ᐃᓄᓐᓂᒃ, ᑕᒪᒃᑭᖏᓐᓂᒃ ᐃᓗᐊᓂᑦᑐᓂᒃ ᐃᖃᓗᐃᑦ ᐊᒻᒪᓗ ᓇᒥᑑᐃᓐᓈᑦᑐᓂᒃ, ᐃᑲᔪᑦᑕᐅᖁᓪᓗᒍ ᐊᖏᓪᓕᕙᓪᓕᐋᓂᖓ ᐃᖅᑲᓇᐃᔭᕆᔭᑦᑕ.ᐱᔾᔪᑎᒋᓪᓗᒍ ᓄᓇᕗᑉ ᐊᔾᔨᐅᖏᓂᖓ ᐃᓗᓕᖏᑕ, ᐃᓚᖏᑦ ᐃᖅᑲᓇᐃᔭᑦ ᑐᙵᕕᖃᒻᒪᑕ ᐃᖃᓗᓂ, ᑕᐃᒃᑯᐊᓗ ᐊᓯᖏᑦ ᑎᑭᑎᑦᑎᕙᓪᓗᑎᒃ ᐊᔾᔨᐅᖏᑦᑐᓂᒃ ᐃᖅᑲᓇᐃᔮᖃᑦᑎᐊᕈᓐᓇᓲᓂᒃ ᑕᐃᒃᑯᐊᓗ ᐃᑲᔪᕈᑎᒋᔭᐅᒍᓐᓇᑦᑐᑎᒃ ᓯᓚᑖᓂᑦ ᓄᓇᓕᖃᕕᐅᔪᑉ.ᐃᖅᑲᓇᐃᔭᓄᑦ ᐃᖃᓗᓃᑦᑐᓄᑦ, ᐅᖂᑕᖅ ᑲᑐᔾᔨᖃᑎᒌᑦ ᐱᒐᔅᓴᐅᑎᑦᑎᒍᓐᓇᒥᔪᑦ:
- ᓅᑎᑕᐅᔪᓄᑦ ᐃᑲᔪᕈᑎᓂᒃ
- ᑐᔪᕐᒥᕖᑦ
ᐃᑲᔪᕈᑎᖃᓪᓗᑎᒃ ᐃᕝᕕᑦ ᓯᕗᓕᑦᑎᐅᓂᕆᔭᓂᒃ
ᐃᑲᔪᓪᓗᑎᑦ ᑐᕌᑦᑎᓴᖁᑯᓪᓗᒍ ᓯᕗᓂᔅᓴᖅ ᐃᒡᓗᖃᑦᑎᑦᑎᒍᑎᓄᖅ ᐊᒻᒪᓗ ᐊᖏᕐᕋᖃᖏᓐᓂᒻᒧᑦ ᐃᔨᔅᓯᕈᑎᑦ ᓄᓇᕗᒻᒥ.
ᐅᖂᑕᖅ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᑐᑭᒧᐊᑦᑎᑦᑎᔨᑦ ᐃᓚᖃᒻᒪᑕ ᐃᓘᓐᓇᑎᒃ ᐃᑲᔪᕈᒪᓯᒪᔪᐃᓐᓇᐅᓪᓗᑎᒃ ᑕᒃᑯᐊᓗ ᑲᑎᖃᑕᐅᕙᓪᓗᑎᒃ ᐱᕕᖃᓂᒻᒥᓄᑦ, ᐱᓕᕆᑦᑎᐊᕈᓐᓇᓂᒻᒥᓂᒃ, ᐊᒻᒪᓗ ᐃᑲᔪᕈᒪᓂᒻᒥᓂᒃ ᐃᖅᑲᓇᐃᔭᕕᐅᑉ ᐊᐅᓚᑦᑎᓂᖓᓄᑦ ᐊᒻᒪᓗ ᐱᓕᕆᒋᐋᕈᒪᓂᒻᒥᓄᑦ ᑐᑭᒧᐋᑦᑎᑦᑎᓗᑎᒃ.ᐃᓚᒋᔭᐅᒃᑲᓂᓪᓗᑎᒃ ᑲᑎᒪᔨᐅᓂᒻᒧᑦ, ᐃᑲᔪᕈᒪᓯᒪᔪᑦ ᐱᔨᔅᓯᕈᓐᓇᑦᑐᑦ ᑲᑎᒪᔨᕋᓛᖑᖃᑕᐅᓗᑎᒃ, ᓲᕐᓗ ᒪᑯᓇᓂ ᓄᐋᓴᐃᓂᒻᒥ ᐅᕝᕙᓘᓐᓃᑦ ᐊᐅᓚᑦᑎᓂᒻᒥ, ᑕᒪᒃᓇᓂ ᐱᓕᕆᔨᓚᕆᐅᓂᒻᒥ ᐱᓕᕆᑦᑎᐋᕈᓐᓇᓐᓃᑦ ᐊᒻᒪᓗ ᐊᑐᓚᐅᔅᓯᒪᔭᖏᓐᓂᒃ ᑐᑭᖃᑦᑐᐋᑦᑐᐊᓗᒻᒥᒃ ᐃᑲᔪᓂᖃᕈᓐᓇᒻᒪᑕ.ᑲᑎᒪᔨᑦ ᐊᒻᒪᓗ ᑲᑎᒪᔨᕋᓛᑦ ᐃᑲᔪᕈᒪᓯᒪᓂᖏᑦ ᐃᑲᔪᓲᖑᒪᑕ ᐊᑐᓚᕆᖁᓪᓗᒋᑦ ᑖᒃᑯᐊ ᐅᖂᑕᒃᑯᑦ:
- ᐊᓯᕈᖃᑦᑕᖏᓪᓗᑎᒃ ᓵᑕᓴᐅᒍᓐᓇᓂᖏᑦ ᐱᓕᕆᐋᕆᒍᒪᔭᖏᓐᓂ
- ᐸᕐᓇᑉᐸᓪᓗᑎᒃ ᑲᒪᑦᑎᐊᕋᓱᐋᓪᓗᑎᒃ ᐊᑯᓂ−ᐊᑐᓂᐊᑦᑐᓂᒃ ᐊᓯᕈᑉᐸᓪᓕᐋᙱᑎᒐᔅᓴᐅᔪᓂᒃ
- ᓴᙱᓂᔅᓴᐅᓕᑦᑎᓪᓗᒍ ᐃᓚᒌᓂᖅ ᐃᖃᓗᓂ ᐊᒻᒪᓗ ᐅᖓᑖᓄᑦ
ᐃᓕᑦᑎᓗᑎᑦ ᐊᒻᒪ ᐃᑲᔪᔅᓱᐃᓗᑎᑦ
ᑐᑭᓯᓗᒋᑦ ᓄᓇᕗᑉ ᐃᓗᓕᕆᔭᖏᑦ ᐱᓕᕆᐋᕆᔭᐅᔪᑦ.
ᐊᖏᕐᕋᖃᖏᓐᓃᖅ ᓄᓇᕗᒻᒥ ᐃᓗᑦᑎᑦᑕᐅᓯᒪᒻᒪᑦ ᖃᐅᔨᒪᓇᑦᑎᐋᑦᑐᓄᑦ ᑕᐃᔅᓱᒪᓂᓕᓴᓐᓄᑦ, ᐃᓕᖅᑯᓯᒻᒧᑦ, ᐊᒻᒪᓗ ᓴᓇᔅᓯᒪᓂᖏᑕ ᐊᑐᓚᕆᓂᖏᓄᑦ, ᐃᓚᔭᐅᓪᓗᓂ ᓄᓇᓕᑐᑲᒻᒥᑎᑑᓕᑦᑎᑦᑎᒐᓱᐋᑦᑐᓄᑦ, ᐃᒡᓗᖃᑦᑎᑦᑎᒍᑎᑦ ᐊᒥᒐᓂᖏᓄᑦ, ᐊᒻᒪᓗ ᐊᑭᑐᔪᐋᓗᑎᓪᓗᒋᑦ ᐃᓅᒐᓱᐋᕈᑎᑦ ᐅᑭᐅᑦᑕᑦᑐᒻᒥ.ᐃᓕᑦᑎᒃᑲᓂᓐᓂᒃᑯᑦ ᑕᒪᑯᓂᖓ ᐊᑐᓚᕆᑦᑐᓂᒃ, ᐃᑲᔪᓂᖃᕋᕕᑦ ᒥᑭᓂᔅᓴᐅᓕᑦᑎᑦᑎᓂᒻᒥᒃ ᑲᙳᑦᑎᓂᒻᒥᒃ, ᐃᑲᔪᓪᓗᑎᑦ ᖃᐅᔨᒪᑦᑎᐊᓪᓗᑎᑦ ᐃᑲᔪᔅᓱᐃᓂᕆᔭᐅᔪᒥᒃ, ᐊᒻᒪᓗ ᓴᙱᓂᔅᓴᐅᓕᑦᑎᓪᓗᒍ ᐃᓄᓕᒫᓂᒃ ᑐᑭᓯᐊᓂᕆᔭᐅᔪᑦ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᓂᒻᒥᒃ ᓱᓕᔪᒥᒃ ᐊᑑᑎᖃᑦᑎᐊᑦᑐᒥᒃ ᑕᒫᓂ.
ᐱᓱᖃᑎᖃᓪᓗᑎᑦ ᐅᕙᑦᑎᓐᓂᒃ
ᐊᓯᕈᑦᑐᖃᓲᖑᒻᒪᑦ ᐃᓄᐃᑦ ᐅᐸᒍᑎᒑᖓᑕ, ᑲᑐᔾᔨᓪᓗᑎᒃ.
ᐅᖂᑕᖅ ᑲᑐᔾᔨᖃᑎᒌᑦ ᑕᕝᕙᐅᕗᑦ ᐱᔾᔪᑎᒋᓪᓗᒍ ᐃᓄᐃᑦ ᓄᓇᕗᒻᒥ ᐅᑉᐱᕈᓱᒻᒪᑕ ᐱᐅᓂᔅᓴᑦᑕᖃᓂᖓ ᐊᔪᓐᓇᖏᓐᓂᖃᒻᒪᑦ.ᑐᓂᓯᒍᕕᓪᓘᓐᓂᑦ, ᐃᖅᑲᓇᐃᔭᖃᑎᖃᓪᓗᑎᓪᓘᓂᑦ ᐅᕙᑦᑎᓂᒃ, ᐃᑲᔪᕈᑎᒋᓗᒍ ᓯᕗᓕᑎᐅᓃᑦ, ᐅᕝᕙᓘᓐᓃᑦ ᐱᓕᕆᖃᑕᐅᓕᓪᓗᑎᒃ ᐱᓕᕆᐊᕆᔭᑦᑎᓐᓂᒃ, ᐱᓕᕆᖃᑕᐅᓂᕆᔭᐃᑦ ᐃᑲᔪᓲᖑᒻᑦ ᐋᖅᑭᔅᓱᐃᓪᓗᓂ ᓯᕗᓂᔅᓴᑦᑎᓐᓄᑦ ᑭᒃᑯᓕᒫᑦ ᓇᔪᒐᔅᓴᖃᕈᓐᓇᔅᓯᓗᑎᒃ ᐊᑦᑕᓇᑐᖃᖏᑦᑐᒥᒃ ᓇᔪᒐᔅᓴᖃᓕᓪᓗᑎᒃ.