ᓄᓇᕗᑦ ᐃᓗᓕᖏᑦ
ᐃᒡᓗᖃᑦᑎᑦᑎᒍᑎ, ᐊᖏᕐᕋᖃᖏᓐᓂᖅ, ᐊᒻᒪᓗ ᐅᖓᓯᑦᑐᐋᓗᒥᐅᑕᐅᓂᖅ ᐅᑭᐅᑦᑕᑦᑐᒻᒥ
ᑐᑭᓯᒍᒪᒍᕕᐅᒃ ᐊᖏᕐᕋᖃᖏᓐᓂᒃ ᐃᖃᓗᓂ, ᓯᕗᓪᓕᒻᒥ ᑐᑭᓯᖄᕆᖃᑦᑕᐃᑦ ᓄᓇᕗᑦ.
ᑖᓐᓇ ᓄᓇ ᐊᔅᓱᐋᓗᒃ ᐱᐅᔫᒻᒪᑦ, ᐊᓯᕈᑦᑕᐅᒍᓐᓇᓐᓇᓂ, ᐊᒻᒪᓗ ᐃᓕᖅᑯᓯᒃᑯᑦ ᓴᙱᓂᖃᓪᓗᓂ, ᐊᒻᒪᓗ ᐋᖅᑭᔅᓱᑕᐅᒐᓱᐊᔅᓯᒪᓪᓗᓂ ᓄᓇᓕᑐᖃᒥᑎᑑᓕᑦᑎᑕᐅᒐᓱᐊᓗᓂ, ᐃᓇᖏᑦᑕᐅᑎᑕᐅᒐᓱᐊᔅᓯᒪᓪᓗᓂ, ᐊᒻᒪᓗ ᐱᓕᕆᔾᔪᑎᓕᐋᕆᓯᒪᔪᒧᑦ ᑕᐃᒫᓪᓗᐊᖃᑎᒌᑦᑎᑕᐅᒐᓱᒌᓐᓇᑦᑐᓂ. ᐃᒡᓗᖃᑦᑎᑦᑎᒍᑎᑦ ᑕᕝᕙᓂ ᐱᔾᔪᑎᖃᖏᒻᒪᑕ ᐃᒡᓗᑐᐃᓐᓇᓐᓂᒃ. ᐱᔾᔪᑎᖃᒻᒪᑕ ᓄᓇᒥᒃ, ᐃᓕᖅᑯᓯᒻᒥᒃ, ᐃᓚᒌᓐᓂᒻᒥᒃ, ᐊᒻᒪᓗ ᐊᓯᕈᑦᑕᐃᓕᒪᐃᓐᓇᕈᓐᓇᓂᒻᒥᒃ ᓄᓇᓕᒻᒨᖓᓂᕆᔭᒥᒃ.
ᐃᓅᓯᖅ ᐅᑭᐅᑦᑕᑦᑐᒻᒥ
ᓯᓚᖓ ᐱᕕᖃᑦᑎᑦᑎᖏᒻᒪᑦ ᐃᓚᐃᓐᓇᕋᓗᐋᖓᓂᒃ ᑕᒻᒪᓂᒻᒥᒃ.
ᐅᑭᐅᑦᑕᑦᑐᒻᒥ, ᐃᓯᔅᓯᒪᕕᖃᓂᖅ ᐊᑑᑎᖃᒻᒪᑦ ᐆᒪᐃᓇᕋᓱᐋᓂᒻᒥ.ᐃᖃᓗᐃᑦ ᐊᖓᔪᖄᑯᕕᒋᔭᐅᒻᒪᑦ ᓄᓇᕗᒻᒥ, ᐊᖏᕐᕋᖃᕕᐅᓪᓗᓂ ᒥᔅᓵᓂᑦᑐᓄᑦ 8,500 ᐃᓄᓐᓄᑦ. ᐃᓚᒋᔭᐅᓪᓗᓂᓗ ᐃᒃᑮᓇᓂᑉᐹᖑᓪᓗᓂ ᐊᒻᒪᓗ ᐊᑭᑐᓂᑉᐹᖑᓪᓗᓂ ᓄᓇᒋᔭᐅᒍᓐᓇᑦᑐᓂᒃ ᑲᓇᑕᒥ.
- ᐅᑭᐅᒃᑯᑦ ᓂᒡᓚᓱᓂᔅᓯᐅᑎᑦ ᐃᒃᑮᓇᓂᑦᑖᓱᖑᒪᑕ ᖁᐊᓇᔅᓯᓗᓂ -30°C, ᐊᓄᕆ ᐱᖃᓯᐅᑎᓪᓗᒍ ᐅᖓᑖᓄᑦ ᐃᒃᑮᓇᓂᔅᓴᐅᓗᓂ
- ᐊᐱᓯᒪᓲᖑᒻᒪᑦ ᓄᓇ ᑎᑭᐅᒪᓪᓗᓂ ᖁᓕᐅᙱᓱᖓᑦᑐᓄᑦ ᑕᖅᑭᓄᑦ ᐊᕐᕌᒍᒥ
- ᐅᓪᓗᖃᓗᐊᓲᖑᓇᓂ ᑭᒡᓕᓕᓯᒪᓪᓗᓂ ᐅᑭᐅᓕᒫᐸᓗᒃ
- ᐊᐅᓚᖃᑦᑕᕕᔅᓴᐅᒻᒪᑦ ᑭᓯᐊᓂ ᖃᖓᑕᓲᒃᑯᑦ ᓄᓇᓕᐸᐅᔭᒻᒧᑦ ᑕᒫᖓᓪᓗᓂᓗ
ᐊᔅᓱᐋᓗᒻᒪᑕ ᐃᒡᓗᖃᑦᑎᑦᑎᒍᑎᑦ ᐊᒥᒐᓂᖏᑦ
ᓇᒧᖓᕕᔅᓴᖃᕈᓐᓃᓪᓗᓂ ᐅᐸᒐᔅᓴᖃᓇᖏᒻᒪᑦ.
ᐃᒡᓗᖃᑦᑎᑦᑎᒍᑎᓂᒃ ᐱᕕᔅᓴᐅᓂᖓ ᐃᖃᓗᓐᓂ ᐊᔅᓱᐋᓗᒃ ᑭᒡᓕᓕᓯᒪᒻᒪᑦ. ᐊᖏᓂᔅᓴᖅ ᓄᓇᓕᐸᐅᔭᐅᑉ ᐃᒡᓗᖃᑦᑎᑦᑎᒍᑎᖏᓐᓂ ᐱᕕᔅᓴᐅᔪᓂ ᐋᖅᑭᕕᖃᔅᓯᒪᒻᒪᑦ ᒪᑯᓇᓂ:
- ᒐᕙᒪᒃᑯᓐᓂ ᐊᒻᒪᓗ ᐃᖅᑲᓇᐃᔭᕝᕕᓂ ᐃᖅᑲᓇᐃᔭᑦᑎᖏᓐᓂᒃ ᐃᒡᓗᖃᑦᑎᑦᑎᒍᑎᓂᒃ
- ᐃᓄᓕᒫᓂᒃ ᐃᒡᓗᖃᑦᑎᑦᑎᒍᑎᑦ ᐊᒥᓱᐋᓗᓂᒃ ᐅᑕᖅᑭᔪᖃᑦᑐᓂ ᑎᑎᑦᑕᐅᓯᒪᔪᓂᒃ
- ᐃᖅᑲᓇᐃᔭᑦᑎᑦᑎᔨᓄᑦ−ᐱᔭᐅᑎᑕᐅᔪᑦ ᐃᒡᓗᖃᑦᑎᑦᑎᒍᑎᑦ
- ᐃᓐᓄᑦᑕᐅᓯᒪᖏᑦᑐᑦ ᐅᓄᓐᓂᖏᑦ ᐃᒪᓐᓇᐅᖔᔪᒻᒪᑕ ᑐᖔᓂᓪᓗᑎᒃ 1%
- ᐃᒡᓗᒥᒃ ᐊᑭᓕᔅᓱᐃᒍᑎᒋᔭᐅᓪᓗᐊᑕᓱᑦ ᑎᑭᐅᒪᓲᖑᒪᑕ ᖃᓪᓗᓇᑦ ᓄᓇᖓᓐᓂ−ᓄᓇᓕᐸᐅᔭᓐᓂᒃ ᑎᑭᐅᒪᔭᐅᔪᓅᖓᓪᓗᑎᒃ ᐅᕝᕙᓘᓐᓃᑦ ᐊᑭᑐᓂᔅᓴᐅᓪᑎᒃ
- ᐊᒡᓛᓪᓗᓂᑦ ᐃᖅᑲᓇᐃᔭᑦᑎᐅᒋᐊᖃᓪᓚᕆᑦᑐᑦ ᐊᔪᔅᓴᓕᔅᓯᒪᓲᖑᕗᑦ ᐃᒡᓗᒃᓴᖅᓯᐊᕈᓐᓇᐃᓕᓪᓗᑎᒃ ᓇᔪᓂᐋᑦᑕᒥᓂᒃ
- ᐃᒡᓗᒥᐅᖃᑎᒋᑦ ᐃᓄᒋᐋᓗᐊᓕᓲᖑᓂᖏᑦ ᐊᑐᑦᑕᐅᒐᔪᑉᐳᑦ, ᐅᓄᑦᑑᓪᓗᑎᒃ ᑭᖑᕚᕆᑦ ᐃᒡᓗᒥᐅᖃᑎᒌᑦᑐᑎᒃ ᐱᕕᑭᒃᑐᐋᓗᒻᒥ ᐃᓂᖃᓲᖑᕗᑦ
ᑮᓐᓇᐅᔭᒃᓵᑦ ᐊᔾᔨᒌᑎᑕᐅᖏᓐᓂᖏᑦ ᐊᒻᒪᓗ ᐃᒡᓗᖃᑦᑎᑦᑎᒍᑎᑦ ᐋᖅᑭᑦᑎᐊᔅᓯᒪᒐᑎ
ᐱᓕᕆᔾᔪᑎ ᐱᕕᖃᑦᑎᑦᑎᒍᓐᓃᖃᑦᑕᒻᒪᑦ ᐅᓄᓕᐊᑦᑐᓂᒃ ᕿᒪᑦᑕᐅᑎᑦᑎᓪᓗᓂ.
ᐃᒡᓗᖃᑦᑎᑦᑎᒍᑎᑦ ᐊᑭᑐᔪᐋᓗᑐᐃᓐᓇᐅᖏᒻᒪᑕ, ᐱᖃᓯᐅᔾᔨᒍᓃᓱᖑᒪᑕ.ᐃᒡᓗᖃᑦᑎᑦᑎᒍᑎᑦ ᐊᔅᓱᕈᓇᔅᓯᓗᐊᓂᖓ ᐃᖃᓗᓂ ᑲᑎᑕᐅᓯᒪᒻᒪᑕ ᐊᔅᓱᐋᓗᑦᑐᒥᒃ ᑮᓐᓇᐅᔭᓴᒍᑎᑦ ᐊᔾᔨᒌᖏᑎᑕᐅᓗᐊᑦᑐᐋᓗᒻᒪᑕ.ᐃᓄᐃᑦ ᑕᒫᓂᒥᐅᑕᐃᑦ, ᐃᒪᓐᓇᐅᒐᔪᒻᒪᑕ ᐊᑭᓕᔅᓱᑦᑕᐅᓱᖑᓂᖏᑦ, ᑮᓐᓇᐅᔭᔅᓴᒻᒪᑕ ᐊᔅᓱᐋᓗᒃ ᖃᔅᓰᓐᓇᓂᔅᓴᒪᕆᐋᓗᓂᒃ ᑕᐃᒃᑯᓇᙵᓪᓕ ᐃᓅᖃᑕᐅᖏᑦᑐᓂ ᑕᒫᓂᒥᐅᑕᓐᓂᒃ, ᑕᒪᑐᒥᖓᔅᓴᐃᓇᖅ ᐊᑐᕋᓗᐊᑦᑎᓪᓗᒋᑦ ᐊᑭᑐᔪᐄᓐᓈᓗᓗᑎᒃ ᐃᓅᒐᓱᐊᕈᑎᒋᒋᐋᖃᑦᑕᖏᑦ. ᑖᓐᓇ ᐋᖅᑭᑦᑕᐅᓯᒪᖏᓐᓂᖓ ᐃᒪᓐᓇᐃᓕᑎᑦᑎᒻᒪᑕ ᐊᑐᐃᓐᓇᐅᑎᑦᑎᕕᒻᒥᒃ ᐃᒡᓗᖃᑦᑎᑦᑎᒍᑎᓂᒃ ᐱᒐᔅᓴᐅᒍᓐᓃᑦᑎᑦᑎᒻᒪᑦ ᐅᓄᑦᑐᓄᑦ ᐃᓚᒌᓄᑦ ᐊᒻᒪᓗ ᐃᒻᒥᓂᔅᓴᑦᑐᓄᑦ, ᐊᒡᓛᓪᓗᓂ ᐊᑭᓕᓱᐃᒍᑎᑦ ᑲᔪᓯᒐᓗᐊᑦᑎᓪᓗᒋᑦ ᐊᑭᑦᑐᐸᓪᓕᐋᑐᐃᓐᓇᓂᖏᑦ.ᐱᑕᖃᑦᑎᓐᓇᒋᑦ ᐊᑭᑐᓗᐊᖏᑦᑐᑦ ᓂᕈᐋᕝᕕᔅᓴᐅᓂᖏᑦ, ᐃᓄᐃᑦ ᐊᑐᕆᐊᖃᓕᑦᑎᑕᐅᓲᖑᒻᒪᑕ ᐃᓄᒋᐋᓗᐊᑦᑐᐊᓗᓃᒋᐊᖃᓕᓗᑎᒃ ᐊᖏᕐᕋᒥᓐᓂ, ᑕᐃᒫᑦᑕᐃᓇᓕᖏᑦᑐᒥᒃ ᐋᖅᑭᔅᓯᒪᓂᖃᓕᓪᓕᓗᓂ, ᐅᕝᕙᓘᓐᓃᑦ ᐊᖏᕐᕋᖃᕈᓐᓃᓪᓗᓂ, ᐃᒪᓇᐅᒐᔪᓕᑦᑐᑎᒃ ᓇᓕᐋᓄᕋᓕᓪᓗᑎᒃ ᐃᔅᓯᕙᐅᑕᑯᑖᓄᑦ, ᐃᓯᔅᓯᒪᕕᓐᓄᑦ, ᐊᒻᒪᓗ ᐅᓗᕆᐋᓇᑦᑐᓄᑦ ᐃᓂᒋᔭᐅᒍᓐᓇᑐᓄᑦ.
ᐊᖏᕐᕋᖃᖏᓐᓂᖅ ᓄᓇᕗᒻᒥ
ᐃᔾᔨᔅᓯᒪᒐᔪᒻᒪᑕ. ᐃᑉᐱᒋᔭᐅᖏᓐᓇᓲᖑᓗᑎᒃ.
ᐊᖏᕐᕋᖃᖏᓐᓂᖅ ᐃᖃᓗᓂ ᑕᐅᑦᑐᖃᐃᓇᓲᖑᖏᒻᒪᑦ ᑕᐃᒪᓐᓇᐃᑑᔭᓪᓗᓂ ᓲᕐᓗ ᖃᓪᓗᓈᑦ ᓄᓇᖓᓐᓃᑦᑐᑎᑐᑦ.ᐃᒪᓐᓇ ᑐᑭᖃᕈᓐᓇᒻᒪᑦ:
- ᓯᓂᖃᑦᑕᓪᓗᓂ ᐅᖅᑯᓴᖏᑦᑐᓂ ᐃᒡᓗᕋᓛᓂ ᐅᕝᕙᓘᓐᓃᑦ ᑐᐱᓐᓂ
- ᓇᓕᐋᓄᕋᓪᓗᓂ ᒪᑯᓇᓂ ᐱᖃᓐᓇᕆᔭᓂ ᐅᕝᕙᓘᓐᓃᑦ ᐃᓚᒋᔭᓂᒃ ᐊᖏᕐᕋᕆᔭᐅᔪᓂ
- ᐃᖅᑯᒪᐃᓐᓇᓪᓗᓂ ᐅᓐᓄᐋᓕᒪᖅ ᖁᐋᑦᑕᐃᓕᒪᓗᓂ
- ᓇᔪᒐᖃᑉᐸᓪᓗᑎᒃ ᐃᓯᔅᓯᒪᕕᓐᓂᒃ ᐊᑐᑦᑎᓪᓗᒋᑦ ᑕᖅᑭᒐᓴᐃᑦ ᐅᕝᕙᓘᓐᓃᑦ ᐊᒡᓛᑦ ᐊᕌᒍᒐᓴᓐᓂᒃ ᑕᐃᒪᐃᑎᑕᐅᓗᓂ ᐊᓯᔅᓴᖃᖏᓐᓂᑯᖏᓄᑦ
ᑲᓲᑎᓯᒪᓂᖅ, ᐃᓕᖅᑯᓯᖅ, ᐊᒻᒪᓗ ᐊᖏᕐᕋᒃ
ᐃᓛᓐᓂᒃᑯᑦ ᐃᒡᓗᖃᑦᑎᑦᑎᒍᑎᒥᒃ ᐊᓯᐅᔨᓂᖅ ᑐᑭᖃᓲᖑᒻᒪᑕ ᐃᓕᖅᑯᓯᒻᒥᒃ ᐅᓯᐅᔨᓂᒻᒥᒃ ᐃᓚᖃᓪᓗᓂ.
ᐃᓄᓐᓄᑦ, ᐊᖏᕐᕋᒃ ᐊᕝᕗᑎᑕᐅᒍᓐᓇᖏᒻᒪᑦ ᓄᓇᒥᑦ, ᐅᖃᓚᒍᓯᒻᒥᒃ, ᐃᓕᖅᑯᓯᒻᒥᒃ, ᐊᒻᒪᓗ ᐃᓚᒌᓂᒻᒥᒃ.
ᐊᓯᐅᔨᓂᖅ ᐃᒡᓗᖃᑦᑎᑕᐅᒍᑎᒥᒃ ᑐᑭᖃᒐᔪᒻᒪᑦ:
- ᐊᕝᕗᑎᓂᒻᒥᒃ ᐃᓚᒌᓂᐅᑉ ᐋᖅᑭᔅᓱᔅᓯᒪᓂᖏᓐᓂᒃ
- ᒥᕿᓪᓕᒋᐋᑦᑕᐅᓪᓗᓂ ᐱᖑᓐᓇᓂᖅ ᐃᓕᖅᑯᓯᒻᒥᒃ ᐊᑐᖃᑦᑕᓂᒻᒥᒃ
- ᐃᑉᐱᓇᑦᑐᓂ ᐃᓄᑑᒋᐊᖃᓕᓐᓂᒻᒥᒃ ᓇᒻᒥᓂᕆᔭᒥ ᓄᓇᖃᕕᒋᔭᒥ/li>
ᑕᒪᒃᑯᐊ ᐊᑐᓚᕆᑦᑐᑦ ᐊᕕᑎᒐᔅᓴᐅᖏᒻᒪᑕ ᑭᖑᕐᖑᔾᔨᓂᕆᔭᖏᓐᓂᒃ ᓄᓇᓕᑐᖃᒻᒥᑎᑑᓕᑦᑎᑦᑎᒐᓱᓂᕆᔭᐅᒧᒥᒃ, ᐊᓯᐋᓅᕆᐊᖃᓕᑦᑎᑕᐅᓗᓂ ᓅᒋᐊᖃᓕᓪᓗᓂ, ᐃᓕᓐᓂᐊᕆᐊᑦᑎᑦᑎᕕᒋᔭᐅᕙᓚᐅᑦᑐᓄᑦ, ᐊᒻᒪᓗ ᐊᑐᐋᒐᐃᑦ ᑕᒃᑯᐊ ᐊᓯᕈᑦᑎᑦᑎᔪᑦ ᐃᓄᐃᑦ ᐃᓅᓯᕆᓲᕆᓚᐅᑕᖏᓐᓂᒃ ᐊᒻᒪᓗ ᑕᒫᓂᒥᐅᑕᓂᖏᓐᓂᒃ. ᐃᒡᓗᖃᑦᑎᑦᑎᒍᑎᑦ ᓇᓗᓈᕿᓂᖏᑦ ᐅᓪᓗᒥ ᑲᔪᓯᒻᒪᑕ ᐅᑎᑦᑕᕋᑦᑎᑦᑎᓪᓗᑎᒃ ᑕᒪᒃᑯᓂᖓ ᐋᓂᑦᑕᐅᓂᐅᔪᓂᒃ, ᓴᙱᓂᔅᓴᐅᓕᑦᑎᑦᑎᓪᓗᑎᒃ ᐅᑎᑦᑕᕋᓂᖏᓂᒃ ᖁᐋᔅᓵᔅᓯᒪᓂᐅᑉ ᐊᒻᒪᓗ ᐊᕝᕗᑎᓂᒻᒥᒃ.
ᑕᐃᒪᓕ ᑭᓇᑐᐃᓐᓇᒻᒥᒃ ᖃᐃᔪᖃᑉᐸᑦ ᐅᖂᑕᒃᑯᓄᑦ, ᐱᒐᓱᑦᑕᑐᐋᖃᖏᒻᒪᑕ ᐃᓯᔅᓯᒪᕕᔅᓴᒥᒃ, ᕿᓂᕆᐋᒻᒪᑕᓕ ᐊᑦᑕᓇᑦᑐᒦᒍᓐᓃᕕᔅᓴᒥᒃ, ᑕᐃᒫᑦᑕᐃᓇᓕᕕᔅᓴᒥᒃ, ᐊᒻᒪᓗ ᐊᓯᕈᑦᑕᖏᑦᑐᒥᒃ ᐃᓚᒋᔭᐅᖏᓐᓇᕈᒪᓪᓗᑎᒃ ᓄᓇᓕᒻᒥᓄᑦ ᐊᒻᒪᓗ ᐃᓕᖅᑯᓯᒻᒥᓐᓄᑦ.
ᐊᑑᑎᖃᓂᖓ ᑕᒫᓂᒥᐅᑕᓄᑦ, ᓄᓇᓕᒻᒧᑦ−ᓯᕗᓕᑦᑕᐅᓗᓂ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᓂᖅ ᐊᑐᑦᑕᐅᒋᐋᖃᒻᒪᖔᑦ
ᐋᖅᑭᔅᓱᑦᑕᐅᓯᒪᔪᒥᒃ ᑕᒫᓂ. ᐊᐅᓚᑕᐅᓗᓂ ᑕᒃᑯᓄᖓ ᖃᐅᔨᒪᔪᓂᒃ ᑖᔅᓱᒥᖓ ᓄᓇᓕᒻᒥᒃ.
ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᒍᑎᑦ ᓴᓇᔭᐅᓯᒪᔪᑦ ᐊᓯᐋᓂᒥᐅᑕᓐᓄᑦ ᐊᑐᓕᑕᐅᑐᐃᓐᓇᕈᓐᓇᖏᒻᒪᑕ ᑎᑭᑎᑕᐅᓗᑎᒃ ᐅᑭᐅᑦᑕᑦᑐᒻᒧᑦ.ᐊᑑᑎᖃᑦᑎᐊᑦᑐᑦ ᐱᓕᕆᒋᐋᓂᐅᔪᑦ ᐃᒪᓐᓇᑑᒋᐊᖃᒻᒪᑕ:
- ᓴᓇᔭᐅᓯᒪᓗᑎᒃ ᐅᒃᑭᐅᑦᑕᑦᑑᑉ ᐊᑐᖃᑦᑕᓲᖏᓄᑦ
- ᖃᐅᔨᒪᑎᑕᐅᓗᑎᒃ ᐃᓄᐃᑦ ᖃᐅᔨᒪᓂᖏᓄᑦ ᐊᒻᒪᓗ ᐊᑐᖃᑦᑕᔅᓯᒪᔭᖏᓄᑦ
- ᒪᙳᖃᓪᓗᑎᒃ ᓄᓇᓕᒻᒥ ᐃᓚᒌᓂᐅᔪᓄᑦ
- ᖃᓄᑐᐃᓐᓈᕈᓐᓇᓪᓗᑎᒃ ᓈᒻᒪᒍᓐᓇᖁᓪᓗᒋᑦ ᐃᓄᓐᓂᒃ ᐋᖅᑭᔅᓯᖃᑎᖃᕈᓐᓇᖁᓪᓗᒋᑦ ᖃᓄᐃᑦᑐᓃᒃᑲᓗᐊᑉᐸᑕ