ᒪᓕᓚᐅᕆ ᐅᕙᑦᑎᓐᓂᒃ:

ᐱᓕᕆᐊᒃᓴᐃᑦ

ᐱᓕᕆᐊᔅᓴᖁᑎᕗᑦ

ᐋᖅᑭᔅᓱᐃᓗᓂ ᐊᖅᑯᑎᒋᔭᐅᓂᐋᑦᑐᓂᒃ ᐊᖏᕐᕋᖃᖏᓐᓂᒻᒥᒃ ᑎᑭᓪᓗᒍ ᐊᖏᕋᖃᓕᓪᓗᓂ

ᐊᖏᕐᕋᖃᖏᓐᓂᖅ ᐅᑭᐅᑦᑕᑦᑐᒻᒥ ᐋᖅᑭᑦᑕᐅᒍᓐᓴᖏᒻᒪᑦ ᐊᑕᐅᓯᑐᐊᒧᑦ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᒍᑎᒧᑦ. ᐃᒪᓇᐅᒋᐋᖃᑦᑎᑦᑎᒻᒪᑦ ᐊᓯᔾᔨᑦᑕᖏᑦᑐᒥᒃ ᐸᕿᔭᐅᕕᖃᓕᓪᓗᓂ, ᐱᒋᐊᓪᓗᓂ ᐊᐳᑦᑕᕈᑎᖃᓗᐊᖏᑦᑐᒥᒃ ᐊᒻᒪᓗ ᐊᔅᓱᐋᓗᒃ ᐊᐳᑦᑕᕈᑎᖃᓕᓪᓗᓂ ᐃᓯᔅᓯᒪᕕᓐᓂᒃ, ᐋᖅᑭᒍᑎᕙᓪᓕᐊᔪᓄᑦ ᐃᑲᔪᕈᑎᓂᒃ, ᐃᒡᓗᖃᐃᓐᓇᓂᐋᓕᓂᒻᒧᑦ, ᓴᓇᓯᒪᓂᖃᑦᑐᑐᒃ ᐊᑐᓚᕆᑦᑕᖏᓐᓄᑦ ᓄᓇᕗᑦ. ᐅᖂᑕᖅ ᑲᑐᔾᔨᖃᑎᒌᑕ ᐱᓕᕆᐊᒃᓴᖏᑦ ᐊᑐᒻᒪᑕ ᑕᒪᑐᒥᖓ ᐅᑉᐱᕈᓱᓂᒻᒥᒃ. ᐊᑐᓂ ᐱᓕᕆᐋᖃᒻᒪᑕ ᐊᔾᔨᒌᖏᑦᑐᓂᒃ ᐱᓕᕆᐊᕆᔭᐅᓯᒪᖏᑦᑐᓂᒃ ᐃᖃᓗᐃᑦ ᐃᒡᓗᖃᑦᑎᑦᑎᓂᒻᒧᑦ ᐱᓕᕆᔾᔪᑎᖓᓂ, ᐃᖅᑲᓇᐃᔭᖃᑎᒌᑦᑎᓪᓗᒋᑦ ᑐᕌᔅᓯᒐᓱᐊᓪᓗᑎᒃ ᐊᑯᓂ−ᐊᑐᓂᐊᑦᑐᓂᒃ ᐊᓯᔾᔨᑦᑕᖏᓪᓗᑎᒃ ᐃᒻᒥᓂᔅᓱᑦᑐᑦ, ᐃᓚᒌᑦ, ᐊᒻᒪᓗ ᓄᓇᓕᒃ.
ᒪᑐᐃᕕᔅᓴᖃᑦᑐᓂ ᑎᓯᐱᕆ 2026−ᒥ

ᐅᓪᓕᕕᒃ (ᐊᐳᑦᑕᕈᑎᖃᓗᐋᖏᑦᑐᖅ ᐃᓯᔅᓯᒪᕕᒃ ᐊᖏᓕᒋᐋᑦᑕᐅᓂᖓ)

ᑲᑎᓯᕙᓪᓗᑎᒃ ᐃᓄᓂᒃ ᓇᔪᑦᑕᖏᓐᓃᑎᓪᓗᒋᑦ, ᐊᑦᑕᓇᖏᑦᑐᒃᑯᑦ, ᐃᑉᐱᒋᔭᐅᑦᑎᐊᓪᓗᑎᒃ, ᐊᕐᕌᒍᓕᒫᖅ−ᐊᑐᑦᑎᓪᓗᒍ.
ᐅᖂᑕᖅ ᒫᓐᓇ ᐊᖏᓕᒋᐋᔅᓯᓕᒻᒪᑦ ᓄᓇᕗᑦ ᓯᕗᓪᓕᑉᐹᖓᓂᒃ ᐊᐳᑦᑕᕈᑎᖃᓗᐊᖏᑦᑐᒥᒃ ᐃᓯᔅᓯᒪᕕᒻᒥᒃ, ᐱᓕᕆᒋᐋᕈᑎᒋᔭᐅᓪᓗᓂ ᐊᖏᓪᓕᕙᓪᓕᐋᓂᖓᓄᑦ ᐱᔭᐅᒋᐋᖃᓂᖓᑕ ᐊᑦᑕᓇᖏᓪᓗᓂ, ᐱᖃᓯᐅᔾᕙᓪᓗᓂ ᑐᐊᕕᓇᔅᓯᔪᖃᑦᑎᓪᓗᒍ ᐃᓂᔅᓴᒥᒃ ᑕᐃᒃᑯᓄᖓ ᐃᓄᓐᓄᑦ ᐱᒍᓐᓇᖏᑦᑐᓄᑦ ᐱᖅᑯᓯᒃᑯᑦ ᐃᓯᔅᓯᒪᕕᓐᓂᒃ.ᒪᑯᐊ ᐱᓕᕆᐊᒃᓴᐅᑉ ᐱᔭᐅᑎᓂᐋᑦᑕᖏᑦ:
  • ᐊᖏᓪᓕᒋᐊᖅᑕᐅᓗᓂ ᐃᒪᓐᓇᐅᓚᐅᖅᑎᓪᓗᒋᑦ 17 ᑎᑭᓪᓗᒍ 44 ᓇᔪᒐᕐᒥ ᐃᓪᓕᕆᔭᐅᒍᓐᓇᖅᑐᑦ
  • ᐊᕐᕌᒍᓕᒪᖅ−ᐊᑐᑦᑎᓪᓗᒍ ᐃᓯᑐᐃᓐᓇᕕᔅᓴᐅᔪᒥᒃ ᐊᒻᒪᓗ ᐅᖅᑰᓯᑦᑎᕕᔅᓴᒥᒃ
  • 13 ᐊᐳᑦᑕᕈᑎᖃᓗᐊᖏᑦᑐᖅ ᐋᖅᑭᒍᑎᕙᓪᓕᐊᓗᓂ ᐃᓗᖃᑦᑎᑦᑎᒍᑎᑦ ᐃᒡᓗᕈᓰᑦ
  • ᐃᓂᔅᓴᖅ ᓴᓇᓯᒪᓂᖃᓪᓗᓂ ᐊᑦᑕᓇᑦᑐᖃᖏᓪᓗᓂ, ᐱᒐᔅᓴᐅᓗᓂ, ᐊᒻᒪᓗ ᐃᓕᖅᑯᓯᒃᑯᑦ ᐱᓕᕆᒋᐊᕈᑎᒋᔭᐅᒍᓐᓇᓪᓗᓂ ᐸᖅᑭᔅᓯᓂᖅ
ᑖᓐᓇ ᐊᖏᓪᓕᒋᐊᔅᓯᓂᖅ ᐊᑐᑦᑕᐅᑎᑦᑎᓚᕆᒐᓱᐋᒻᒪᑦ ᐊᓂᑎᑕᐅᑐᐄᓐᓇᑦᑐᖃᖁᓇᒍ ᑭᓇᑐᐃᓐᓇᒻᒥᒃ ᐃᒃᑮᓇᓂᑉᐹᖑᑎᓪᓗᒍ ᐅᓐᓄᐋᓂ, ᐊᒻᒪᓗ ᐃᓄᐃᑦ ᐊᖅᑯᑎᔅᓴᖃᖁᓪᓗᒋᑦ ᓯᕗᒧᒋᐊᓪᓗᑎᒃ, ᐊᒡᓛᑦ ᐊᑐᕋᓗᐋᑦᑎᓪᓗᒋᑦ ᐊᔅᓱᐋᓗᒃ ᐱᔭᕆᐋᑐᔪᓂᒃ ᐱᓕᕆᐊᕆᓇᓱᒋᐋᓕᓐᓂᒃ.

ᒪᑐᐃᕕᔅᓴᖃᑦᑐᓂ ᑎᓯᐱᕆ 2026−ᒥ

ᒫᓐᓇ ᓱᓕ ᓴᓇᔭᐅᕙᓪᓕᐊᒻᒪᑦ

ᐃᓄᑐᐊᒃᑯᕕᒃ ᐃᒡᓗᐃᑦ

ᐃᓚᖏᑦ ᐃᓄᐃᑦ ᐱᔭᕆᐋᑐᔪᐋᓗᓂᒃ ᐱᒋᐊᖃᑦᑕᖃᒻᒪᑕ ᐊᒻᒪᓗ ᐱᖃᕆᐋᖃᑦᑐᑎᒃ ᐊᑭᑐᓗᐊᙲᑦᑐᐃᓐᓇᖏᑦᑐᓂᒃ ᐃᓂᔅᓴᓂᒃ ᐊᖏᕐᕋᕆᓂᐋᑦᑕᒥᓐᓂᒃ. ᐃᓄᑐᐋᔅᓯᐅᑎᑦ ᐃᑲᔪᕈᑎᑦ ᐃᒡᓗᖃᑦᑎᑦᑎᒍᑎᑦ ᐱᓕᕆᔾᔪᑎᖓ ᓴᓇᓯᒪᓂᓕᐅᑦᑕᐅᓚᐅᒻᒪᑕ ᐃᑲᔪᑦᑕᖁᓪᓗᒋᑦ ᓈᒻᒪᓗᑎᒃ ᑖᒃᑯᐊ ᐱᒋᐋᖃᑦᑕᖏᓄᑦ.

ᐃᓂᖃᓪᓗᓂ ᕿᑎᖓᓂ ᐃᖃᓗᐃᑦ, ᐱᓕᕆᐊᒃᓴᖅ ᐱᔭᐅᑎᑦᑎᓂᐋᒻᒪᑦ ᐃᑲᔪᑦᑕᐅᒍᑎᒥᒃ ᐃᒻᒥᓂᔅᓱᑦᑐᓄᑦ ᑕᐃᒃᑯᓄᖓ ᐱᒍᓐᓇᖏᑦᑐᓄᑦ ᐊᑯᓂ−ᐊᑐᓂᐊᑦᑐᓂᒃ ᐃᒡᓗᖃᑦᑎᑦᑎᒍᑎᓂᒃ ᑕᐃᒫᑦᑕᐃᓇᓕᔪᓂᒃ. ᑕᐃᑲᓂ ᐃᓄᑐᐊᔅᓯᐅᑎ ᐃᒡᓗᓂ, ᑕᐃᒃᑯᐊ ᑕᐃᒪᓇᐅᓘᕈᓐᓇᐳᑦ.

ᑖᓐᓇ ᐱᓕᕆᐊᒃᓴᖅ ᑭᒡᒐᑦᑐᐃᒻᒪᑦ ᐱᒻᒪᕆᐋᓗᒻᒥᒃ ᐊᔪᕈᓐᓃᑉᐸᓪᓕᐊᓂᒻᒥᒃ ᐊᑐᐋᑦᑕᐅᓲᓂᒃ ᐊᖏᕐᕋᖃᖏᓐᓂᒻᒥᒃ ᐊᖏᕐᕋᖃᓕᓐᓂᒻᒧᑦ. ᐱᔭᐅᑎᑦᑎᓂᐋᒻᒪᑦ ᐃᑲᔪᑦᑕᐅᒍᑎᒥᒃ ᐊᑕᐅᓯᒻᒥᒃ−ᐃᒡᓗᕈᓯᓕᒻᒥᒃ ᓇᔪᓪᓗᒍ ᐃᒡᓗ ᐱᖃᖃᑎᖃᓪᓗᓂ ᐊᑑᑎᖃᑦᑎᐊᑦᑐᑦ, ᐃᖅᑲᓇᐃᔭᑦᑎᑦ ᐃᑲᔪᑎᑦ ᐃᓂᖃᓪᓗᑎᒃ, ᐊᒻᒪᓗ ᓄᓇᒥᐅᑕᐃᑦ.

ᐱᓕᕆᐊᒃᓴᐅᑉ ᐅᖃᐅᑎᒋᔭᐅᓗᐋᙳᐊᓂᖏᑦ:

  • 32 ᐃᓚᒋᔭᐅᑦᑕᐅᑎᒋᔪᑦ ᐊᑕᐅᓯᒻᒥᒃ−ᐃᒡᓗᕈᓯᓕᒃ ᓇᔪᑦᑕᐅᒍᓐᓇᑦᑐᑦ ᐃᒡᓗᐃᑦ
  • ᐊᑕᐅᓯᒻᒥᒃ ᑰᖃᕕᖃᖃᑎᒌᓪᓗᑎᒃ ᐊᒻᒪᓗ ᐊᓐᓄᕌᓂᒃ ᐅᐋᓴᕕᖃᑎᒌᓪᓗᑎᒃ
  • ᖁᓕᓯᒪᓗᓂ ᕿᒪᐃᕕᒃ ᐊᒻᒪᓗ ᐊᑐᑦᑕᐅᓗᐋᑕᓱᖅ ᐃᓂᒋᔭᐅᒍᓐᓇᑦᑐᑦ
  • ᑕᕝᕙᓃᑦᑐᑦ ᐃᖅᑲᓇᐃᔭᑎᑦ ᐊᒡᓚᒡᕕᖏᑦ ᐊᒻᒪᓗ ᖃᓄᑐᐃᓐᓇᖅ−ᐊᑐᑦᑕᐅᓱᑦ ᐃᒡᓗᕈᓯᑦ
  • ᖃᓂᔅᓴᓪᓗᓂ ᐱᔅᓯᕈᑎᒋᔭᐅᒋᐊᖃᓚᕆᑦᑐᓂᒃ, ᐃᖏᕐᕋᔾᒧᑎᓂᒃ, ᐊᒻᒪᓗ ᐃᖅᑲᓇᐃᔭᕕᒻᒥᒃ

ᐊᑭᓕᔅᓱᒐᐅᔪᑦ ᐃᖃᓗᓂ ᑮᓇᐅᔭᔅᓴᒋᐋᖃᑦᑎᑦᑎᒻᒪᑕ ᖃᓂᒋᔭᖏᓐᓂ ᑮᓇᐅᔭᖅ $100,000−ᓂᒃ ᐊᑐᐅᓯᒻᒥᒃ−ᐃᒡᓗᕈᓯᓂᒃ, ᑖᓐᓇ ᐱᓕᕆᐊᒃᓴᖅ ᓴᖅᑭᑎᑦᑎᒻᒪᑦ ᐊᑐᓚᕆᑦᑐᒥᒃ ᐃᒡᓗᖃᑦᑎᑦᑎᒍᑎ ᐱᒐᔅᓴᐅᓂᖏᓐᓂᒃ ᐃᒻᒥᓂᔅᓱᑦᑐᓄᑦ ᐋᖅᑭᒍᑎᕙᓪᓕᐊᔪᓄᑦ ᐊᖏᕐᕋᖃᖏᑦᑑᓚᐅᑦᑎᓪᓗᒋᑦ, ᐃᖅᑲᓇᐃᔭᑦᑎᐅᒋᐊᖃᓪᓚᕆᒃᑐᑎᒃ, ᐊᒻᒪᓗ ᐊᓯᖏᑦ ᐃᒡᓗᔅᓴᖃᕈᓐᓃᖅᓯᒪᓪᓗᑎᒃ ᐊᔪᔅᓴᓕᖅᓯᒪᔪᓄᑦ.

ᒪᑐᐃᕕᔅᓴᖃᑦᑐᓂ ᒫᔾᔨ 2028−ᒥ

ᐸᕐᓇᑦᑕᐅᕙᓪᓕᐋᔪᖅ

ATCO ᓄᕐᓗᒃ ᐱᓕᕆᐊᒃᓴᖅ

ᑲᑎᑕᐹᑦ−ᐊᑐᑦᑕᐅᓂᖏᖕᑦ ᐅᐸᒐᓪᓗᐊᑕᒻᒥ ᐃᒡᓗᖃᑦᑎᑦᑎᒍᑎᓄᑦ, ᓄᓇᓕᒻᒥ, ᐊᒻᒪᓗ ᐸᖅᑭᔅᓯᒍᑎᓂ. ᒥᔅᓴᐅᓴᑦᑕᐅᓯᒪᔪᖅ ᐊᑭᖓ: ᑮᓇᐅᔭᖅ $30-60 ᒥᓕᐊᓐ
ATCO ᓄᕐᓗᒃ ᐱᓕᕆᐊᒃᓴᖅ ᐅᖂᑕᐅᑉ ᐱᓕᕆᒍᒪᓂᑉᐹᑦᑎᐊᖁᑎᖓ ᐅᓪᓗᒥᒧᓄᑦ, ᐊᒻᒪᓗ ᑕᑎᑯᓗᓂ ᐊᑐᕈᒫᓂᐊᑦᑐᓕᐅᓂᖓ ᐃᖃᓗᐃᑦ ᓯᕗᓂᔅᓴᖓᓂ.ᑖᓐᓴ ᑎᓴᒪᑦ−ᖁᓕᕇᑦ, ᑲᑎᓯᒪᔪᓄᑦ−ᐊᑑᑎᖃᓪᓗᓂ ᐱᕙᓪᓕᐋᑎᑦᑎᓂᖅ ᑲᑎᑦᑎᓂᐋᒻᒪᑦ ᐊᑭᑐᓗᐊᖏᑦᑐᓂᒃ ᐃᒡᓗᖃᑦᑎᑦᑎᒍᑎᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᖏᑦᓄᑦ ᓄᓇᓕᒻ ᐃᓂᖃᑦᑎᑦᑎᓗᓂ ᕿᑎᖓᓂ ᓄᓇᓕᐸᐅᔭᐅᑉ.
  • ᒥᔅᓵᓂᓪᓗᑎᒃ 48,000 ᓯᒃᑭᑦᑕᖅ ᐃᓯᒐᔅᓯᐅᑎ ᐱᕙᓪᓕᐊᑎᑦᑎᕕᐅᓗᓂ ᐃᓂᖓ
  • ᐊᖏᕐᕋᕆᔭᐅᓱᑦ ᐃᒡᓗᐃᑦ ᐃᑳᓪᓗᒋᑦ ᐱᖓᓱᑦ ᐊᔪᙱᓕᕇᑦ, ᐱᖃᓪᓗᑎᒃ: ᐊᑐᐅᓯᕐᒥᒃ−, ᒪᕐᕉᓐᓂᒃ−, ᐊᒻᒪᓗ ᐱᖓᓱᓂᒃ−ᐃᒡᓗᕈᓯᓕᑦ ᐊᖏᕐᖃᐃᑦ
  • ᓄᓇᒧᑦ−ᑐᒻᒪᔪᖅ ᑮᓇᐅᔭᓕᐅᕋᓱᐊᖏᑦᑐᒧᑦ ᐊᒡᓚᒡᕕᒃ ᐅᕝᕙᓘᓐᓃᑦ ᐃᓅᖃᑎᒋᓄᑦ ᓈᒻᒥᓂᕆᔭᐅᓗᓂ ᐃᓂᒋᔭᐅᓱᖅ
  • ᓄᓇᓕᒻᒨᖓᔪᑦ ᐃᓂᒋᔭᐅᓱᑦ ᓴᓇᓯᒪᓂᖃᓪᓗᑎᒃ ᐅᐸᖃᑎᒋᕕᐅᓲᖑᓗᑎᒃ ᐊᒻᒪᓗ ᐃᑲᔪᕈᑎᒋᔭᐅᓲᖑᓗᑎᒃ
  • ᐊᐳᑦᑕᕈᑎᖃᖏᑦᑐᖅ ᓴᓇᓯᒪᓂᖓ, ᒪᔪᕈᑎᓕᑦ, ᐊᒻᒪᓗ ᐅᐸᒐᔅᓴᐅᔪᐃᓇᐅᓗᑎᒃ ᓇᒧᓕᒫᖅ
ᑖᓐᓇ ᐱᓕᕆᐊᒃᓴᖅ ᐊᖏᓕᒋᐋᑦᑎᑦᑎᒻᒪᑦ ᐃᒡᓗᖃᑦᑎᑦᑎᒍᑎ ᐊᓯᔾᔨᑦᑕᖏᓐᓂᖏᓂᒃ ᓴᖅᑭᑎᑦᑎᑎᓪᓗᒍ ᐱᖃᖃᑎᒌᒍᑎᒥᒃ ᐃᓂᔅᓴᒥᒃ ᑮᓇᐅᔭᓕᐅᕋᓱᐋᖏᑦᑐᓄᑦ ᐱᔨᔅᓯᕈᑎᓂᒃ ᐃᖃᓗᒥᐅᓄᑦ, ᓴᙱᓂᔅᓴᐅᓕᑦᑎᑦᑎᓪᓗᓂ ᐃᓅᖃᑎᒌᓂᒻᒧᑦ ᐋᖅᑭᔅᓱᔅᓯᓂᒻᒥᒃ ᐱᖃᓯᐅᑎᓪᓗᒍ ᐃᒡᓗᖃᑦᑎᑦᑎᒍᑎᓴᖃᑦᑎᑦᑎᓂᖅ.
ᐸᕐᓇᑦᑕᐅᕙᓪᓕᐊᔪᖅ ᐊᒻᒪᓗ ᓄᐋᓴᖃᑦᑐᑎᒃ

ᐊᓯᔾᔨᑦᑕᖏᑦᑐᖅ − ᑖᒃᑯᑑᖏᑦᑐᑦ ᐃᒡᓗᐃᑦ

ᐅᖂᑕᐅᑉ ᐱᓕᕆᐋᒃᓴᖏᑦ ᑕᕝᕙᑑᓗᑎᒃ ᐱᕙᓪᓕᐋᑎᑦᑎᖏᒻᒪᑕ. ᐊᑕᐅᑦᑎᒃᑰᓪᓗᑎᒃ, ᐋᖅᑭᒍᑎᒻᒪᑕ ᐊᐅᓚᑎᑕᐅᓪᓗᑎᒃ ᐱᓕᕆᒋᐋᓂᒻᒥᒃ ᐊᖏᕐᕋᖃᖏᓐᓂᒻᒥᒃ ᐅᑭᐅᑦᑕᑦᑐᒻᒥ:
ᐃᓯᔅᓯᒪᕖᑦ
ᐋᖅᑭᒍᑎᕙᓪᓕᐊᓂᖅ ᐃᒡᓗᓕᕆᓂᖅ

ᐊᑯᓂ−ᐊᑐᓂᐊᓕᓪᓗᓂ ᐃᒡᓗᖃᑦᑎᑦᑎᒍᑎ ᐱᕕᔅᓴᐅᓂᖏᑦ

ᐊᑐᓂ ᐱᓕᕆᐊᒃᓴᐃᑦ ᐊᐅᓚᔾᔭᐃᓲᖑᒻᒪᑕ ᐃᓄᓂᒃ ᖃᓂᓐᓂᔅᓴᐅᓕᑦᑎᑦᑎᓪᓗᑎᒃ ᑕᐃᒫᑦᑕᐃᓇᓕᓂᒻᒧᑦ, ᑲᓱᔅᓯᒪᖃᑎᖐᓂᒻᒧᑦ, ᐊᒻᒪᓗ ᐊᓯᔾᔨᓐᐅᓴᒍᓐᓃᑦᑐᑎᒃ ᒪᙳᖃᓂᒻᒥᓐᓂᒃ ᓄᓇᓕᒻᒥᓐᓄᑦ.

ᐱᒍᒪᓂᖃᑦᑐᑏᒃ ᐃᑲᔪᕈᒪᓂᒻᒥᓐᓃᒃ ᑕᐃᒃᑯᓂᖓᓪᓗᐋᖅ ᐱᓕᕆᐋᒃᓴᓃᒃ?

ᑐᙵᓱᑦᑎᑦᑎᔪᒍᑦ ᐅᖃᖃᑎᖃᓂᐅᔪᓂᒃ ᑐᓂᓯᔪᓂᒃ, ᑐᙵᕕᐅᔪᓂᒃ, ᐊᒻᒪᓗ ᓇᒻᒥᓂᖁᑎᓂᒃ ᐊᒻᒪᓗ ᓄᓇᓕᓐᓂ ᐱᓕᕆᖃᑎᒋᔭᐅᔪᓂᒃ ᑕᐃᒃᑯᓂᖓ ᐋᖅᑭᒍᑎᒍᒪᔪᓂᒃ ᑐᓂᓯᓂᒻᒥᓐᓄᑦ ᑕᐃᒃᑯᓂᖓᓪᓗᐊᖅ ᐱᔭᐅᖁᔭᖏᓐᓂᒃ ᐊᑐᐃᓂᖃᕈᒪᓪᓗᑎᒃ.
Scroll to Top